Atleti shqiptar Izmir Smajlaj është çliruar nga çdo akuzë e ngritur ndaj tij nga Njësia e Integritetit të Federatës Botërore dhe do të mund të rikthehet në aktivitetet.
Akuzat e tij i janë ngritur disa muaj më parë dhe më 9 dhjetor të vitit të kaluar atij iu mohua çdo e drejtë për të marrë pjesë në aktivitete dhe gara atletike.
Smajlaj së bashku me zyrtarë të Federatës Shqiptare të Atletikës akuzoheshin se kishin manipuluar rezultatin e garës së 2021 në Tiranë që e dërgoi atletin në Lojrat Olimpike në Tokios.
Presidenti i Federatës Gjergj Ruli dhe sekretari i përgjithshëm Nikolin Dionisi janë shpallur fajtorë nga Gjykata Sportive për zgjidhjen e konflikteve në Nicë të Francës.
Presidenti Ruli është dënuar me 4 vite përjashtim nga çdo aktivitet atletik, ndërsa sekretari Dionisi ui dënua me 5 vite.
Lexo gjithashtu
