Suksesi historik i Majlinda Kelmendit mund të njolloset nga një ngjarje e ndodhur para 2 muajsh në Francë.
Sipas "EuroSport", në muajin qershor Majlinda ka refuzuar të kryejë një test anti-dopingu ndërsa ishte në stërvitje me skuadrën olimpike në shtetin francez. Diçka të tillë e ka konfirmuar edhe trajneri i Majlindës, Driton Kuka, në një prononcim për prestigjozen angleze "The Guardian".
"Është e vërtetë që kemi refuzuar një test anti-dopingu por personi që kërkoi ta kryente atë nuk kishte asnjë autorizim nga WADA (Angjensia Ndërkombëtare e Anti-Dopingut). Ne nuk mund të bëjmë teste për këdo që vjen kërkon gjak apo urinë nga atletja. Nuk e kuptoj çfarë ka për t'u zmadhuar kaq shumë kjo çështje. Majlinda është e pastër dhe kjo mund të vërtetohet shumë lehtë", ka thënë trajneri i Majlindës.
Në kohën që testi është refuzuar, Federata Ndërkombëtare e Xhudos ka deklaruar se ky ishte një akt i dyshimtë, por gjithsesi çdo sanksion mbi Majlindën është i vlefshëm vetëm në territorin francez duke qënë se personi francez që iu refuzua kërkesa për të kryer analizën kërcënoi se do e çonte çështjen në gjykatë. Federata Kosovare e Xhudos ka qënë në kontakte të vazhdueshme me Federatën Ndërkombëtare dhe kjo çështje është sqaruar, gjithsesi një dënim i mundshëm mbi Majlindën nga gjykata franceze mund ta njolloste disi triumfin në Rio 2016, edhe pse medalja nuk rrezikohet aspak.
Lexo gjithashtu
