Marjus Korreshi ishte një nga lojtarët që ra dje në sy në ndeshjen e Lushnjës kundër Tërbunit, e vlefshme për turin e parë të Kupës së Shqipërisë. Lagunarët triumfuan 2-0 kundër pukianëve, në një sfidë që foli tërësisht për ta.
Pikërisht në këtë takim u aktivizua dhe Korreshi, i cili rikthehet në Shqipëri pas një periudhe 2-vjeçare në Gjermani. I gjatë 1.94 metër, shtatlarti shkëlqeu me lushnjarët duke treguar se prapavija e lagunarëve është më se e sigurtë.
Ai ka qenë edhe më parë pjesë e Lushnjes, ku është aktivizuar në 12 takime në Superligë. Atë sezon që lagunarët zbritën nga Superiorja, ai qëndroi edhe në të parën me Lushnjën duke dhënë kontributin e tij.
Një ofertë joshëse nga Kategoria e Katërt e Gjermanisë bëri që të transferohej te Manhaim. Tashmë është rikthyer sërish për të dhënë kontributin e vet në arritjen e objektivave sezonalë.
Lexo gjithashtu
