Partizani do të luajë mbrëmjen e nesërme përballë Vlamieras ndeshjen e parë të turit të 3-të të Conference League.
“Demat” do të jenë në një transfertë jo shumë të vështirë në Letoni, por që në një kompeticion të tillë mund të ketë edhe supriza.
Një ditë para ndeshjes, ka folur në konferencë përshtyp tekniku kroat i Partizanit, Zoran Zekiç i cili shprehet se e vlerëson maksimalisht këtë sfidë dhe se ka vështirësitë e veta.
KUNDËRSHTARI - “Ekipi i Valmieras meriton vlerësim maksimal. Ata janë kampionët në fuqi të Letonisë. Kanë pasur ndryshime në ekip dhe kjo gjë mund të na i vështirësojë disi gjërat, pasi ne i kemi analizuar në përballjet që ata kanë bërë”.
BESIMI TEK EKIPI – “Unë kam shumë besim tek skuadra. Kemi gati 2 muaj sëbashku dhe tashmë kuptohemi më mirë me njëri-tjetrin. Dhe është pikërisht kjo ç’ka na duhet për të qenë kompetitiv në Europë”.
RËNDËSIA E NDESHJES SË NESËRME – “Nuk mendoj se ndeshja e nesërme do të jetë përcaktuese, pasi ne do të luajmë dy. Po ta vini re gjatë këtyre turve, nga ndeshja e parë tek e dyta shumicën e rasteve kanë ndryshuar rezultatet. Por ne fillimisht duhet të përqëndrohemi në ndeshjen e nesërme, pastaj të mendojmë për të kthimit”, është shprehur tekniku i Partizanit.
Lexo gjithashtu
