Hapësire reklamuese

Çështjet kryesore

ARKIVA

“Kukësi s’ka ekip për të rënë nga Kategoria”, Safet GJICI: Dështuam në merkaton e verës, tani jemi në rrugën e duhur

Shkruar nga NEWSPORT
“Kukësi s’ka ekip për të rënë nga

Presidenti i nderit i Kukësit, Safet Gjici, ishte i ftuar në një lidhje Skype me emisonin “Sport News” të moderatores Trevisa Tufa në News 24. I pyetur për gjendjen e skuadrës verilindorë, Gjici shprehet se klubi nuk e priste një situatë të tillë duke ia faturuar dështimin merkatos së verës. Ndër të tjera ai shton se Kukësi nuk është ekip për të rënë nga Kategoria dhe do të luftojë deri në fund për të marrë maksimumin.

“Nuk e prisnim një sezon të tillë. Merkato e keqe e verës, bëri që mos të kemi rezultate në fazat e para. Vendosa që të ketë merkato tjetër të dimrit. Tani jemi në rrugën e duhur. Pas fitores me Tiranën, sërish jemi në renditje të vështirë.

Stafi teknik po punon. Duhet të jemi me këmbë në tokë. Nuk duhet të themi që fituam me Tiranën dhe arritëm gjithçka. Unë besoj se Kukësi ka një rrugë të vështirë. Besoj se Kukësi do të ecë. Nuk duhet të dorëzohemi asnjëherë. Dëm të madh na ka dhënë merkato e verës. Klubi ka shpenzuar shumë, por pa ia dalë dot.

Kampionati është i vështirë, shumë i vështirë, shumë konkurrues. Nuk duhet të jemi mëndjemedhenj, nuk duhet të kënaqemi me pak. Le të marrim ndeshjet nga një një. Dua të luajmë fort pasi na pret një sfidë e fuqishme. Duhet të mendojmë të grumbullojmë pikët. S’kemi ekip për rënie nga kategoria”, u shpreh Gjici.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga