Pogradeci është një nga skuadrat që vazhdon të marrë rezultate pozitive në Kategorinë e Parë. Fitorja me përmbysje 4-2 ndaj Kastrioti ka motivuar akoma më shumë liqenorët.
Ekipi i drejtuar nga Emiliano Çela ka nisur tashmë përgatitjet për një tjetër sfidë mjaft të luftuar dhe delikate, atë ndaj Korabit. Takim ky që Pogradeci do ta luajë në shtëpi ditën e shtunë në orën 13:30.
Padiskutim që skuadra po merr ngarkesën e duhur dhe ku do të synojnë një tjetër rezultat pozitiv në kampionat për të mbajtur hapin e dy rivalëve kryesorë për ngjitjen në Superiore. siç dihet aktualisht Pogradeci mban vendin e 3-të në kampionat me 36 pikë pas 19 javësh. Liqenorët kanë 3 pikë më pak se Laçi dhe 8 më pak se Skënderbeu.
View this post on Instagram
