
Këtë javë luhet raundi i 20-të i Kategorisë së Parë. Mirëpo, ende pa nisur mirë kjo fundjavë kemi ndryshime të paparashikuara.
Erzeni dhe Burreli do të detyrohen të luajnë në Tiranë, ndryshe nga sa ishte programuar. Shijakasit i presin vizitorët tradicionalisht në “Tofik Jashari”, por këtë javë ndodh ndryshe.
Dueli mes bluve dhe “mbretërorëve” do të mbahet në stadiumin “Arena e Demave”. Partizani ka gjetur gjuhën e përbashkët me Erzenin, për të lejuar që sfida ndaj ekipit të drejtuar nga Bicaj të zhvillohet në impiantin e “DEmave”. Nuk është gera e parë që klubi nga Shijaku i zhvillon ndeshjet në kryeqytet, pasi kjo ka ndodh dhe në të shkuarën, më saktë në kohën kur vendasit militonin në Superiore.
Përveç stadiumit, edhe orari i sfidës nuk është më i njëjti. E programuar për t’u luajtur në datën 25 janar, kësaj here takimi Erzeni-Burreli do të organizohet të hënën në orën 12:00 në Tiranë.