Java e 13-të e Kategorisë së Parë u mbyll dje me katër takimet e fundit të zhvilluara në orën 13:30. Kastrioti dhe Laçi barazuan 2-2 në stadiumin “Redi Maloku”. Me barazim 0-0 u mbyll edhe takimi tjetër mes Pogradecit dhe Ilirisë.
Kukësi fitoi në shtëpi 2-0 ndaj Burrelit. Me të njëjtin rezultat, 2-0, triumfoi edhe Apolonia në transfertë ndaj AF Luftëtarit.
Ndërkohë të premten, Besa fitoi 3-1 ndaj Korabit, ndërsa Skënderbeu triumfoi 4-3 ndaj Lushnjes. Pas këtyre rezultateve Skënderbeu vazhdon të kryesojë edhe pas javës së 13-të. Korçarët udhëheqin me 34 pikë, ndërsa i ndjek Laçi me 23 të tillë.
Në “Play-Off” ndodhen Pogradeci me 22 pikë, Apolonia me 19 pikë, Iliria ka 1 pikë më pak dhe Kastrioti në vendin e 6-të me 17 pikë.
Në vendin e 7-të ndodhet Burreli me 16 pikë, ndërsa Bes aka 2 pikë më pak, 14. Po kaq ka edhe Korabi i vendit të 9-të, teksa Lushnja vjen më pas me 12 pikë. Mbyllin klasifikimin Luftëtari me 10 pikë dhe Kukësi me 8 të tilla pas 13 javësh.
Lexo gjithashtu
