Erzeni ka fituar në Kupë sfidën kundër një tjetër ekipi nga Kategoria eParë, si Valbona. Përveçse ndodhen në të njëtën kategori, dy ekipet ndodhen në fund të tabelës duke rrezikuar shumë.
Shijakasit kanë treguar vlera dhe potencialin e tyre në fitoren në “Tofik Jashari” me rezultat 2-1. Ajo që i gëzon më shumë tek Erzeni nuk është kalimi i turit, por rikthimi në seritë pozitive.
Valbona mund të jetë më lart në renditje, por blutë me ringjalljen tani dhe disa fitore radhazi mund t’i parakalojnë tropojanët.
Klubi shijakas kërkon të ndërtojë të ardhmen me shpresë pas kësaj fitoreje dhe të shfrytëzojë momentin. Këtë gjë do t’a kërkojnë që në takimin e radhës, edhe pse duket si një ”malore”.
Në Vlorë luhet Flamurtari-Erzeni dhe vlonjatët nuk duan aspak të lënë 3 pikë të sigurta në letër.
Lexo gjithashtu
