Të gjitha ndeshjet e Kategorisë së Parë për javën e 26-të, do të mbahen sot prej orës 15:00. Për Skënderbeun, Laçin dhe Pogradecin, ekipe që mbajnë vendet e para në klasifikim, nuk priten ndeshje të lehta.
“Ujqërit” udhëtojnë në Fier, aty ku i pret Apolonia. Skuadra e drejtuar nga Ernest Gjoka nuk kërkon të “lëshojë pe”, ndërsa fitorja për fierakët shikohet si “shpëtim” për pozicionin e vështirë në tabelë.
As për Pogradecin e Emiljano Çelës nuk pritet të ketë “qetësi”. Liqenorët do luajnë kundër Besës në shtëpinë e këtyre të fundit. Ekipi kavajasa është shumë pranë zonës “play-off”, kësisojë “premtohet” sfidë e fortë.
Korabi do kërkojë të bëjë “surprizën” ndaj Laçit në Dibër. Ndeshjet e tjera janë Burreli – Kukësi, Iliria – Kastrioti dhe Lushnja – Luftëtari. Në 25 javë të luajtura, Skënderbeu kryeson me 60 pikë, i ndjekur nga Laçi me 57-të dhe Pogradeci në kuotën e 52 pikëve.
Lexo gjithashtu
