Kastrioti, pas barazimit në Rrogozhinë me Egnatian, pret Teutën në Kamëz ditën e shtunë në orën 15:00 ku do të kërkohet fitorja për t’u distancuar nga pozitat e ftohta në renditje. Krutanët vijojnë me përgatitjet dhe trajneri Emiljano Çela është i kënaqur me rendimentin e skuadrës. Ka lajme të mira e të këqija për teknikun e ri.
Një ndër lojtarët kryesor të ekipit, Edon Hasani, pritet të mungojë përballë durrsakëve pas dëmtimit në minutën e 83 në Rrogozhinë. Një mesfushorë mungon e një tjetër kthehet. Onanuga do të jetë “afrimi” i rëndësishëm për Kastriotin. Nigeriani ishte kthyer në vendlindje dhe priste vizën për t’u kthyer në Shqipëri. Vizë e cila ka ardhur së fundmi dhe lojtari i bashkohet ekipi në stërvitje.
