Jo vetëm Champions League luhet në mbrëmje, por ditën e sotme duke nisur që nga ora 15:00 do të luhet edhe ndeshja e prapambetur e javës së 28-të mes Kastriotit dhe Bylisit. Kjo përballje do të zhvillohet në “Elbasan Arena”, e cila është cilësuar edhe si finalja e mbijetesës që zhvillohet mes dy ekipeve të fundit në tabelën e klasifikimit.
Një fitore e mallakastriotëve ditën e sotme do të zbriste më një “këmbë” në Kategorinë e Parë skuadrën e Kastriotit, pasi diferencat mes tyre do të shkonte 5 pikë, ndërsa me vendin e 8-të që është “Play-Off” do ta çonte në 7 pikë, kur kanë mbetur edhe 7 sfida deri në fund.
Ndërkohë nga ana tjetër krutanët kërkojnë që të fitojnë këtë takim për t’u ngjitur me një pozicion në tabelën e klasifikimit dhe do të zbrisin në vendin e 10-të pikërish ballshiotët. Një ndeshje që pritet të jetë e luftuar deri në minutën e fundit, pasi të dyja ekipet kërkojnë 3 pikët e mbijetesës.
Lexo gjithashtu
