Marsel Ismajlgeci dhe Redon Xhixha kanë folur së bashku pas fitores 3-2 kundër Vllaznisë duke siguruar trofeun e Superkupës së Shqipërisë. Si kapiteni, ashtu edhe sulmuesi i kampionëve u shprehën të kënaqur për këtë sukses të radhës të kryeqytetasve. Fillimisht ishte kapiteni që tha për Oversport:
"Mezi e kishim pritur këtë ndeshje. Ishim besimplotë se do ta fitonim. Duke parë që goli erdhi në minutën e shtatë. Kishim kohë për të rikuperuar ndeshjen. I thashë çunave që të vazhdojmë kështu.
Krahu i djathtë? Është e vërtetë që humb diçka, por besoj se kam bërë mirë sot. Nëse i duhet ekipit, do të luaj si mbrojtës i djathtë", përfundoi ai duke i lënë radhën Redon Xhixhës. Sulmuesi i bardhebluve deklaroi:
"Sigurisht është një finale dhe është një ndjesi jashtëzakonisht e madhe. Goli erdhi në minutën e fundit. Sa i përket zëvendësimit, janë vendimet e trajnerit. Kur ta ketë berë mend të më zëvendësojë, të më thotë dy minuta para që të bëj gol.
Ndjesia? Ndjesia është e jashtëzakonshme. Janë emocione që nuk di t'i përshkruaj. Duhet të më kuptoni.
Ulja e ritmit? Pres më shumë nga vetja. Ka vend për përmirësim. Këtë periudhë kam pasur një dëmtim te muskujt e barkut. E kam kaluar, por jo 100 përqind.
Skuka? E kam shok, rrimë bashkë dhe jemi në një lagje. E takoj shumë herë. I uroj më të mirën dhe të shënojë sa më shumë gola. Rivaliteti është në fushë, ndërsa jashtë saj jemi miq.
Ofertat? Interesime ka gjithmonë dhe nuk janë konkretizuar. Në janar ndoshta, ose në fund të sezonit ndoshta. Me drejtuesit do të vendosim më të mirën për mua dhe klubin. E rëndësishme është të bëj dhe të iki në një kampionat tjetër", përfundoi ai.
Lexo gjithashtu
