Ditën e sotme në orën 14:00 ishte programuar të zhvillohej ndeshja miqësore mes Vllaznisë dhe Kastriotit. Ekipet janë munduar të përfitojnë nga pauza e ndeshjeve të Kombëtareve dhe kanë zgjedhur miqësoret si mënyra për të mbajtur lojtarët në formë dhe të ‘karikuar’.
Por me anë të një njoftimi në faqen zyrtare, klubi shkodran njofton se kjo sfidë nuk do të zhvillohet. Sipas asaj që shkruan Vllaznia, shkaku i anullimit të ndeshjes është pamundësia e ekipit krutan për të udhëtuar drejt Shkodrës.
“NJOFTIM
KF Vllaznia bën të ditur se ndeshja miqësore ndaj ekipit të Kastriotit, e planifikuar për t'u luajtur ditën e sotme në orën 14:00 në stadiumin "Loro Boriçi", nuk do të zhvillohet. Ekipi krutan e ka patur të pamundur për të udhëtuar drejt Shkodrës për disa arsye të rëndësishme dhe si rrjedhojë, kjo ndeshje nuk do të luhet.”, shkruan klubi shkodran.
Lexo gjithashtu
