Tashmë është 40-vjeç dhe ka preferuar të qëndrojë larg botës së futbollit. Por, vite më para ai ishte një ndër lojtarët kyç të mesfushës së Tiranës. Saimir Patushi, i kontaktuar nga newsport.al ka folur për derbin e së premtes ku bardheblutë do të presin në "Selman Stërmasi" Partizanin. Patushi ka rezerva për organikën e trajnerit Josa teksa deklaron se grupi aktual nuk mund të krahasohet me Tiranën e viteve të arta, pjesë e së cilës ishte edhe 40-vjeçari.
"Nuk besoj se Tirana do të bëjë rezistencë për të ndaluar Partizanin. Pavarësisht se fjala derbi në kohën tonë kishte rëndësi të madhe, tani më ajo nuk egziston më. Për mendimin tim për bardheblutë kjo do të jetë vetëm një ndeshje radhe. Unë ndeshjen do e ndjek nga televizori", tha Patushi.
I pyetur nëse e ndjek tashmë kampionatin shqiptar dhe a i mungon Tirana e kohërave të arta, Patushi u përgjigj: "Po sigurisht që po. Po me shumë keqardhje e them që kjo Tiranë nuk ka lidhje me Tiranën e kohës sime", përfundoi për newsport.al ish-mesfushori bardheblu, Saimir Patushi, i cili ishte lojtari që për herë të parë tha në derbi të kuqve: "Ik Ik"
Lexo gjithashtu
