Bylisi nuk ka ndërmend të ndalet dhe tashmë ka zyrtarizuar në limitet e merkatos edhe 4 futbollistë të tjerë, të cilët do të jenë pjesë e ballshiotëve në pjesën e dytë të sezonit. Një mesfushor, dy sulmues dhe një mbrojtës janë afrimet e fundit të skuadrës së Kategorisë së Parë. “Katër firma te Bylisi! Futboll klub "Bylis" njofton zyrtarizimin e marrëveshjes me 4 futbollistë në limitet e merkatos. ✍️Angjelo Toska, mbrojtes krahu i datelindjes 2001, i cili se fundmi ka qene pjese e skuadres se njohur, Panahaiki ne Superligen 2 te Greqise. ✍️Laert Papa, mesfushor (ëinger i djathtë), i datëlindjes 2003, pjesë e kombëtarve të moshave kuqezi nga U-15 deri në U-19. Papa vjen pas eksperiencës si pjesë e klubit të madh grek, AEK i Athinës. ✍️Elvi Berisha, sulmuesi 24-vjeçar që së fundmi ka qenë pjese e Flamurtarit dhe më parë ka luajtur edhe me Apoloninë, Laçin, Tiranën dhe Skënderbeun. ✍️Skerdilajd Levendi, 22-vjeçar, mesfushor me tipare sulmuese, që së fundmi ka qenë pjesë e Lushnjës dhe më parë ka veshur fanelat e Apolonisë dhe Egnatias në Superiore! Iu urojmë mirëseardhjen në familjen tonë të madhe”, ka shkruar klubi ballshiot. Kujtojmë se Bylis aktualisht mban vendin e 2-të në Kategorinë e Parë me 42 pikë, po aq sa Elbasani kryesues. Ballshiotët janë një takim më shumë për të luajtur dhe objektivi i klubit këtë sezon është rikthimi në Superiore dhe titulli kampion i Kategorisë së Parë.

 

View this post on Instagram

 

A post shared by FK BYLIS (@bylisal)