Albert Xhani ka bërë një postim në rrjetet sociale ku i bën thirrje shqiptarëve të ngrihen kundër qeverisjes aktuale. Ish-presidenti i klubit të Partizanit duket i indinjuar me mënyrën se si po qeveriset Shqipëria në këtë krizë të madhe globale. Në facebook-un e vet, fton të gjithë shqiptarët të ngrihen për të drejtat e tyre.
“Regjimi duhet të përmbyset. Me revolta mbarëpopullore, në çdo kënd të Shqipërisë. Shqipëria e shqiptarisë, jo e hajnisë dhe hajneshave. Regjimi i hajnisë nuk mundet të organizojë zgjedhje të lira demokratike. Ngrihu shqiptarë i yni vatani. Rroftë shqiptaria!”, shkruan ai në rrjetet sociale.
Albert Xhani ka qenë një nga presidentët më jetëgjatë në krye të klubit të Partizanit. Pavarësisht investimit të jashtëzakonshëm për 10-vite te kryeqytetasit, ai nuk arriti të fitonte asnjë titull kampion me të kuqtë.
Lexo gjithashtu
