Cagliari ka triumfuar në shtëpi përballë Atalantës, në ndeshjen e vlefshme për javën e 34-t të Serie A. Sfida e zhvilluar në stadiumin “Unipol Domus”, përfundoi me shifrat 3-2.
Vendasit kaluan në avantazh që në 8 minutat e parë, falë dygolëshit të Mendyt. Në të njëjtën monedhë iu përgjigj Atalanta me anë të Scamacca, me sulmuesin italian që gjithashtu shënoi dopietë.
Mirëpo, në minutën e 47-të, sapo nisi pjesa e dytë, Cagliari i dha “goditjen” Atalantës, e cila do të rezultonte përfundimtare. Goli i Borrellit vulosi sfidën, duke i dhënë triumfin vendasve.
Kështu, Cagliari shkon në kuotën e 36 pikëve, në vendin e 16-të, duke u larguar nga zona e ftohtë. Në krahun tjetër me 54 pikë, duket se Atalanta e Gjmshitit ka “larë duart” me zonën evropiane, pasi tanimë ndodhet 7 pikë larg.
GOLAT:
Goli i Scamacca (Cagliari 2-1 Atalanta)
Goli i Scamacca (Cagliari 2-2 Atalanta)
Goli i Borrelli (Cagliari 3-2 Atalanta)
Lexo gjithashtu
