Hapësire reklamuese

Çështjet kryesore

ARKIVA

INTERVISTA/ U zyrtarizua dje te FLAMURTARI, flet futbollisti i ri i vlonjatëve: Konkurojmë SKËNDERBEUN, ja lojtari që më ka tërhequr vëmendjen

Shkruar nga NEWSPORT
INTERVISTA/ U zyrtarizua dje te FLAMURTARI, flet futbollisti i ri i

U zyrtarizua dje te Flamurtari, duke nënshkruar një kontratë me skuadrën vlonjate. Argjent Gafuri, ka dhënë një intervistë të shkurtër enkas për newsport.al.

Luan si mesfushor, por edhe si sulmues. Këtë gjysmë të parë sezoni ka qenë pjesë e ekipit të Renovës në Maqedoni, ku ka arritur të shënojë 4 gola.

28-vjeçari ka folur për synimet e tij në këtë edicion futbollistik teksa parashikon edhe fundit e sezonit: "Flamurtari në 3 vendet e para".

- Argjent, dje iu bashkuat Flamurtarit. Pse zgjodhët pikërisht kuqezinjtë?

Ishte koha që të lëvizja nga Renaova. Kisha disa oferta, por klubi i Flamurtarit më ofroi kushte shumë të mira. Duke e njohur profesor Duron dhe historinë e klubit, besoj se ky ishte hapi i duhur në karrierën time.

- Flamurtari e mbylli këtë vit kalendarik në vendin e dytë. A beson se ka shanse skuadra vlonjate të konkurojë Skënderbeun për titull?

Kam ndjekur çdo ndeshje të Flamurtarit. Gjithashtu edhe kampionatin shqiptar. Besoj se me përgatitje të mira, do t'i bëjmë presion Skënderbeut deri në fund, edhe pse kryesore është t'i marrim ndeshjet një e nga një.

- Ekipi i Duros ka një organikë të ngjeshur, por edhe cilësore. Konkurenca është e madhe. A do të arrish të zësh një vend titullari?

Konkurenca i bën mirë çdo lojtari, jo vetëm mua. Do të jap maksimumin tim. Pastaj janë trajnerët që vendosin kush është më në formë dhe kush duhet të luajë.

- A e njeh mjaftueshëm kampionatin shqiptar që të arrish të përshtatesh shpejt?

Kam ndjekur shumë ndeshje. Besoj e njoh mirë deri diku. Gjithmonë skuadrat që kanë qenë lart, Skënderbeu, Kukësi dhe Partizani, janë ekipe stabël të kampionatit.

- Po te vlonjatët, cilin lojtar mund të veçoni?

Flamurtari mendoj se ka mjaft lojtarë cilësorë dhe kualitativ. Muhamed Hyseini është njëri prej tyre.

- E fundit. Ku do ta mbyllë këtë edicion futbollistik Flamurtari?

Tani s'mund të flas para kohe. Vetëm shpresoj të vazhdoj ecurinë pozitive të gjysmës së parë të sezonit që pata me Renovën. Besoj se do të jetë në "top 3-she" e Superligës. /Retin TOKA/

 

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga