Prej shumë vitesh merret me një sport të bukur siç është "bodybuilding". Në datë 30 shtator koleksionoi titullin e radhës kampion dhe në një intervistë ekskluzive për neësport.al Kreshnik Topore i ka thënë të gjitha. Nga fillimet e tij "si i dobët" siç thotë edhe ai vetë ishte mjaft e vështirë, por më pas kjo u kthye në motivim për të duke zbritur nga skena me trofeun e radhës.
Prej 14 vitesh është ushtrues i rregullt i palestrës dhe në karrierën e tij numëron plot 10 tituj kampionë. Miqtë e thërrasin "Niku" dhe për ta ai ka shumë këshilla. Këto e shumë të tjera mund t'i zbuloni në intervistën e mëposhtme.
- Si e nise dhe prej sa vitesh merreni me këtë sport?
Në fillim kam qenë shumë i dobët! Shikoja vëllain tim të madh në tarracë bënte stërvitje me rrotat e vagoneve të trenit. Kishte sajuar dhe 2 stola shtange, kishte dhe 2 gira. Ishte dhe koha e filmave me superheronj me trupa të bukur si Arnold Shëarzenegger .E fillova në moshën 16 vjeç, pasi mbarova vitin e parë në gjimnaz. Në atë kohë bënte dhe 1 shok klase stërvitje në kushte shtëpie i cili ndryshoi shumë për pak muaj dhe vendosa ta filloj dhe unë. U regjistrova në palestër dhe aty filloi gjithçka. E kisha me shumë pasion. Ka rreth 14 vite që ushtrohem. Në 2012 kam konkuruar për herë të parë në bodybuilding ku dhe u shpalla kampion. Pastaj pësova 1 aksident dhe bëra gati 2 vite pushim.
- Keni marrë pjesë në shumë konkurse, ndër të parët Supermeni. Sa ka ndryshuar Niku nga ajo kohë?
Supermani ka 10 vjet që është zhvilluar. Isha vetëm 19 vjeç dhe dola i 2 i Shqipërisë në atë konkurs fuqie strongman. Që nga ajo kohë Niku ka ndryshuar shumë sepse në atë kohe nuk e kisha idenë e dietologjisë dhe makronutrientëve.
- Sa tituj numëroni?
Kam 4 vite që konkuroj në bodybuilding dhe 4 tituj të peshës time dhe 4 të tjera absolut. Kam 1 titull nga supermani. Kam dhe 1 nga nje federatë tjetër.
- Karriera juaj u pasua nga nje dëmtim i rëndë, por datë 30 shtator arritët të shpalleshit kampion Shqipërie. Ku e keni gjetur motivimin?
Karriera ime ka pësuar 2 dëmtime të rënda. Nga aksidentet me motorr. Pasion tjetër dhe ai. Para 8-9 vjetesh ku këputa dhe 70% te muskulit pectoral major dhe nje tjetër aksident në vitin 2013 ku unë nxorra komplet kaviljen nga vendi dhe theyva këmbën. Si pasojë vura hekura në këmbë të cilat i hoqa disa muaj më vonë. Por dhe me paterica dhe me hekura nuk më mbante vendi dhe stervitjen e vazhdova derisa theyva 2 vida në këmbë. Gjysëm vide e kam dhe sot në kockë të thyer. Dhe me 1 vit fiks stërvitje nga 1 vit pushim unë u shpalla kampion në kategorinë -100kg dhe kampion absolut. Ku e gjej motivimin? Ështe pasion, është një mënyre jetese për mua, është dashuri, është adrenalinë. Nuk jetoj dot pa këtë pasion që e kam në gjak. Dhe nuk dorëzohem kurrë. Imagjinoj veten në skenë duke ngritur trofeun dhe stërvitem dhe më fort. Ështe mendore, nëse vërtet mendon se do diçka dhe do ta arrish, ia arrin.
-Si është stërvitja juaj ?
Une stërvitem pak a shumë 2 orë deri në 2 orë e 30 minuta. Vetëm këmbët më zgjasin 3 ore e gjysëm ose dhe 4. Kur jam në përgatitje gare shto dhe 30-45 minuta kardio çdo ditë për 6-8 javë.
- Sporti i bodybuilding sa vjen e përhapet më shumë në Shqipëri, por niveli mbetet ende amator. A është i rrezikshëm ky sport?
Po sporti është përhapur shumë dhe kjo është gjë e mirë. Sigurisht niveli është amator. Duhet të fitosh ndonë shoë që të jep pro card dhe atëherë bëhesh profesionist. Pothuajse në të gjithë botën kështu është. Liga profesioniste jep pak pro card në Europe dhe shume në SHBA. JanA mundësi të tjera andej. Dhe të marrësh pro card është investim i madh perveçse duhet të kesh gjenetikën. Mund të them se sa më lart të ngjitesh në këtë sport aq më i rrezikshëm është. Sidomos në fazen e garës që duhet dhe të çosh nivelin e yndyrës në trup 3-5% dhe të dehidratohesh.
- Jeni pronar i një palestre. Nje pyetje që e bëjnë të gjithë shqiptarët. Si është e mundur që çmimet e tyre janë shumë herë më të larta se nëEuropë? Mund t'iu përmend që një abonim 1 mujor Europë varion nga 13 euro deri në 20 euro. Pse ky ndryshim i madh?
Varet në çfare palestre abonohesh. Une e kam palestrën prane kompleksit Halili dhe në palestrën time mund te ushtrohesh 7 herë në jave për 4000 leke në muaj. Ke dhe palestra në Zvicër që kushtojnë 200 apo 300 franga muaj. Ke dhe personal trainer që të marrin 50 euro seancën. Nëse palestra është në qendër qyteti dhe në Europë nuk është lirë. Ose përndryshe duhet të bësh disa kilometra me makinë ne ndonje kapanon ku sigurisht çmimet do jenë lire.
- Ju jeni dhe "personal trainer" (trajner personal). A është e vështirë për ty të bindësh njerëzit si të sterviten?
Zakonisht klientët më degjojnë. Si personal trainer të degjojnë se bëjnë pagesën dhe çdo gjë që i thua mundohen ta zbatojnë se në fund pergjegjësia bie mbi ty. Por ka dhe nga ato që kane mendjen e vet.
- Gjatë eksperiencës suaj, ç'gabime bëjnë klientët që nuk arrijnë rezultatet e dëshiruara?
Gabimi numër 1 është mosinformimi. Nuk ushqehen. Nuk marrin sasinë e duhur të proteinave nga ushqimet. Nuk njofin makronutrientet dhe nuk dinë të ushqehen. Nuk dinë sa gram apo sa kalori po marrin nga yndyrnat, karbohidratet apo proteinat. Nuk kanë informacion për suplementet dhe as si funksionojnë muskujt që të rriten. Për shembull dikush që peshon 100kg (masë muskulare) dhe do të rrisi masën muskulare duhet të marri 300gram proteinë në ditë. 3 gram për çdo kg. Dhe shikon sa gram proteinë ka 100g fileto pule apo byftek viçi.
- Kampion në skenë, por edhe jashtë saj. Trego disa nga sekretet e këtij sporti kaq të bukur...
Do jap disa nga këshillat elementare për çdo njeri që ushtrohet dhe e ka pasion këtë sport. Informohuni. Në bazë të studimeve jo duke u bazuar në forume. Informohuni për ushqimet dhe makronutrientet. Muskujt rriten kur ushqehen. Në stërvitje këputen mikrofibrat muskulare. Dhe ato rriten gjatë kohës pushimit duke u rikuperuar dhe duke u ushqyer me proteina. Nëse doni masë muskulare dhe shtim në peshë merrni 50% të kalorive nga karbohidratet, 30-35% nga proteinat dhe 15-20% nga yndyrnat. Nëse doni masë muskulare të pastër perdorni 40% të kalorive nga proteinat, 40% nga karbohidratet dhe 20% nga yndyrnat. Nëse doni të ulni masen e dhjamit dhe të ruani muskujt( të definoheni) merrni 50-55% te kalorive nga proteinat, 35% nga karbohidratet dhe 15-20% nga yndyrat e mira si arra, bajame, fara pishe, avokado, vaj ulliri. Gjithsesi këto nuk jane fikse se përdoren dhe dietat me cikël karbohidratesh. Ushtrohuni me ushtrimet bazë dhe mos shikoni ato modelet e fitnessit që shpikin ushtrime në youtube.
- Diçka të fundit?
Mos u dorëzoni kurrë, mos hiqni dorë nga ëndrrat tuaja. Ndiqni zemrën dhe atë që iu bën të ndjeheni mirë dhe iu bën të lumtur. Jetoni me pasion. Siç thotë dhe Bukowski "Find what you love and let it kill you..." /Retin TOKA/
Lexo gjithashtu
