Erion Hoxhallari u largua nga Tirana, megjithatë kampionatin shqiptar vijon ta ketë pikë të dobët. Një nga lojtarët që ka kontribuar për 12 vite me bardheblutë, u rrëfye në një lidhje direkte me “TiboGol”.
Anësori i njohur që tashmë luan në Rumani me Uta Arad, foli për të gjitha. Që nga largimi, mungesa e ftesës në Kombëtare, derbi i fundit i kryeqytetit dhe deri te e ardhmja e tij. E nisi me sfidat e Kupës së Shqipërisë për të cilat tha:
“Isha duke e parë Tiranën dhe Teutën. Tirana i kishte mbyllur llogaritë që në ndeshjen e parë. E kishte më të lehtë në Kupë. Për Durrësin u duk se ishte e lehtë, por ndeshja u bë shumë e bukur pastaj.
Të rinjtë? Normalisht pas rezultatit komod që kishte, është diçka e mirë që edhe të rinjve t’u jepet dora.
Aventura? Po marr minuta nga ndeshja në ndeshje. Është kampionat i luftuar. Në ndeshjen e kaluar u mbyll dhe faza e dytë. Tani është një periudhë play out dhe play off.
Batha? Po kalon një periudhë të mirë. Ka shënuar në ndeshjen e fundit.
Derbi? Po e pamë bashkë. Ishte një derbi që nuk ishte ai që pritej. Ishte një nga derbit më të dobët që ishte zhvilluar deri tani. Nuk ishte në lartësinë që mund të pritet kjo sfidë.
Tirana? Normalisht prisja më shumë. Tirana ishte më e avantazhuar sepse luante për fitore dhe barazim. Partizani u tregua më këmbëngulës. Tiranës i mungoi finalizimi. Lojën e kishte nën kontroll. Finalizimi në fund linte për të dëshiruar. Batha bënte tifo për Tiranën, ishim të dy bashkë.
Ftesë në Kombëtare? Kam pritur një ftesë në ndeshjet miqësore të Kombëtares. Po luaja në rolin që trajneri më kishte premtuar që do të më merrte në Kombëtare. Por, nuk ndodhi. Më erdhi një ftesë pritjeje. Duhet t’i japim këmbëve. Çdo lojtar që largohet nga Shqipëria duhet të punojë që të arrijë Kombëtaren. S’është e lehtë kur ikën jashtë dhe je i huaj. Normalisht që e pres ftesë.
Merkato e janarit? Unë besoja se këto largime janë zëvendësuar në merkato me Abazajn dhe Haxhiun. Janë të dy të mirë. Abazaj ka ardhur nga Turqia dhe Haxhiu nga Kukësi. Janë dy lojtarë që do i zëvendësojnë shumë mirë Kallakun dhe Xhixhën.
Kontaktet në Shqipëri? Më shumë në kontakt jam me Ilion Likën. E kam pasur më shumë shok se të tjerët.
12 vite te Tirana? Siç e thatë dhe ju, do të ndryshonim rënien nga Kategoria. Do të mbanim mend këto vitet e fundit të bukura që kaluam. Kam kujtime që më kthejnë pas në kohë. Shpresoj që do të vijnë sërish. Për Gentin s’besoj se do të rikthehen se ka hequr dorë nga futbolli. Por, për ne.
Rikthimi? Për momentin nuk është se kam një mendje për t’u rikthyer shpejt. Shpresoj që të vazhdoj me ritëm të mirë. Dua të kap një ekip më të mirë se ky që jam.
E ardhmja? Shpresoj që të luaj në një kampionat më të mirë. Jam i përqëndruar në këtë ekip ku jam.
Tirana në Champions League? Genti (Muça) e paska vendosur sot që do të rikthehem te Tirana. Besoj se Tirana do të dalë kampion dhe do të gjejë lojtarë për t’u përfaqësuar në Europë. Unë nuk e kam në dorë sepse kam kontratë edhe 1 vit me ekipin. S’është në dorën time.
Titulli i Tiranës? Normalisht e tregoi edhe pas hapit fals që bëri me Partizanin. Ka një potencial të madh për t’u shpallur kampion. Shpresoj mos të bëjë më hapa fals. Partizani dhe Vllaznia janë dy ekipet rivale të Tiranës për titullin, por që vijnë pas Tiranës”, tha ai.
Lexo gjithashtu
