Liridon Latifi ishte protagonist absolut në takimin e djeshëm që Skënderbeu fitoi 1-0 ndaj Sant Julias.
Sulmuesi i korçarëve humbi një penallti dhe shënoi më pas një super gol me goditje dënimi.
Pas ndeshjes, në një prononcim për mediat, Latifi u shpreh se Skënderbeu do të kualifikohet në mënyrë absolute për në raundin e dytë.
"U mërzita kur humba penalltinë. Portieri u tregua i saktë. E kishim marrë shumë lehtë këtë ndeshje.
Nuk ishim të saktë në pasime. Jam i lumtur për golin dhe mendoj se do të kualifikohemi, padiskutim.
Kundërshtari do të mendojë kualifikimin në fushën e tij dhe do të hapet në lojën e vet. Kjo do të na japë mundësi ta godasim", tha Latifi pas ndeshjes.
Poll
Lexo gjithashtu
