Partizani arritii të fitonte finalen e titullit kampion duek mposhtur pikërish tSkënderbeun në skuadrën e femrave në Volejboll. Mbrëmjen e djeshme kishte festë në kampin e kuq, por aspak nuk dorëzohen në Korçë.
Nëpërmjet një postimi në rrjetet sociale, Ministri i Mbrojtjes, Niko Peleshi ka felenderuar vajzat korçare për emocionet që i kanë dhuruar Korçës, ndërsa ka theksuar se suksesi nuk matet gjithmonë me fitore dhe se këto vazja kanë bërë krenarë gjithë qytetin e tyre.
“SKËNDERBEU
Vajzat tona të volejbollit me trainerët e mrekullueshëm Orlando Koja dhe Olsi Haxhillari, na dhuruan këtë vit një sezon fantastik, me shumë emocione e krenari. Një ekip fantastik jo vetëm për cilesitë sportive por edhe për karakterin, pasionin dhe shpirtin e skuadrës.
Për herë të parë në historinë e shkëlqyer të volejbollit korçar, Skënderbeu i mori të 3 kupat e sezonit, Kupën Pavarësia, Kupën Gjergj Kastrioti dhe Kupën e Republikës. Dje në finalen e titullit kampion, Skënderbeu luajti për të shënuar një tjetër rekord. Qindra korçarë brohoritën për Korçën dhe vajzat tona të volejbollit.
Pavarësisht se nuk fituam veç 3 kupave edhe kampionatin për vitin e dytë rradhazi, ne treguam forcën e brendshme që Korça ka, për të qënë e para. Fituam rikthimin e kujtimeve dhe krenarisë që na ka dhënë në vite volejbolli korçar, rifituam tifozërinë më të bukur në shkallët e Pallatit të Sportit të mbushura për herë të parë si dikur, fituam frymezimin e shumë fëmijëve për të luajtur volejboll. Lëvizja amatore e volejbollit dhe kampionatet e shkollave nuk janë rastësi.
Suksesi nuk matet vetëm me fitoret.
Humbja e djeshme ishte pjesë e suksesit të Korçës. Ajo vetëm na rikujtoi se rruga drejt suksesit nuk është vetëm e drejtë dhe pa pengesa. I fituari është ai që nuk ndalon. Këtë i thashë dje Anxhelës sonë, këtë dua të ndaj sot me ju, sepse vlen jo vetëm për vajzat e djemtë e volejbollit, futbollit e sporteve te tjera. Pengesa që na doli para në rrugëtimin e ekipit të futbollit ishte mbase më e rënda në histori, por djemtë po e kalojnë pa e ulur kokën, ndaj janë në prag të titullit kampion sot.
Ky mësim vlen edhe për Korçën në rrugëtimin e sukseshëm drejt standartit më të lartë të jeteses dhe qytetit më të bukur në botë.
FALEMINDERIT vajza!”, ka shkruar Peleshi.
Lexo gjithashtu
