Gjithkush e pa, dhe askush nuk flet. Por tifozët e kanë kuptuar. Madje nuk kanë munguar ta komentojnë.
Lufta bëhej që Kastrioti të mbetej në Superiore dhe Tirana të binte. Për këtë, më së miri ka punuar presidenti i Kastriotit, së bashku me Safet Gjicin, presidentin e Kukësit, që do të zgjidhet dhe kryetar bashkie në Kukës.
Çuditërisht, pjesën e parë Kastrioti i Devollit shënon gol, duke pasur avantazh ndaj Kukësit që ishte në pozitat e nënkampionit.
Në Tiranë, Tirana ende nuk po gjente rrjetën, ndërkohë që lojtarët u futën në dhomat e zhveshjes me një rezultat zero me zero.
Por, ëndrra e Kastriotit, që çfarë nuk ka bërë gjithë këto ndeshje të fundit të kampionatit për të qëndruar në Superiore, duke u bërë presion edhe arbitrave në mes të rrugës në përfundim të ndeshjeve (sic ishte rasti i ndalimit të gjyqtarit Enea Jorgji pas ndeshjes Laçi-Tirana), mori fund kur i riu Albi Doka, brenda dy minutave shënon dy gola në portën e Koliqit.
Epo, ajo ç'po ndodhte në Tiranë, u mor vesh shumë shpejt nga Kukësi dhe Safet Gjici. Sepse, Kukësi, sapo mësoi rezultatin dhe nuk kishte pse të ndihmonte Kastriotin e rënë nga Kategoria, mblodhi forcat për të shënuar dy gola në thuajse dy minuta, duke marrë një fitore që nuk e llogariste hiç ndaj një Kastrioti të mbaruar.
E si të mos mjaftojnë këto gjithë rrjeti zien. Dhe të gjithë shkruajnë atë që panë: Safet Gjici ia la ndeshjen Alban Voglit, deri në momentin kur pa që Tirana s'po bënte gol.
Dhe duhet parë: nëse lojtarët e Flamurtarit, pa rroga prej shumë kohësh, apo edhe vetë trajneri Ilir Daja, nuk kanë marrë ndonjë mesazh, nga ato që u kanë shkuar nëpër telefona shumë vetëve, futbollistë, trajnerë, gjyqtarë, arbitra kryesorë dhe anësore, në këto katër javët e fundit.
Lexo gjithashtu
