Kombëtarja shqiptare ka nisur zyrtarisht përgatitjet për dy sfidat e radhës që janë të vlefshme për kualifikueset e Euro 2024. Fillimisht ditën e premte kuqeiznjtë do të sfidojnë Moldavinë në transfetë, teksa 3 ditë më pas do të presin në “Air Albania” Ishujt Faroe.
Kristjan Asllani ishte lojtari që në seancën e parë të kombëtares zhvilloi stërvitje të diferencuar. Për shkak të gjendjes së tij jo optimale mesfushori është në dyshim nëse do të jetë i gatshëm për duelin me Moldavinë apo jo.
Në këto kushte Sylvinho kërkon të jetë i përgatitur dhe pjesë të grupit ka bërë një tjetër lojtarë. Sipas shtypit të shkruar braziliani ka ftuar në kombëtaren A, Medon Berishën. Ky i fundit luan me Leccen në Serie A dhe është pjesë e ekipit të Alban Bushit. Në këtë mënyrë Berisha ka nisur përgatitjet me skuadrën e parë.
Lexo gjithashtu
