Maliqi do bëhet me stadium të ri. Në pamjet e fundit ka nisur tashmë edhe shtrimi i tapetit të ri në stadiumin "Jovan Asko". Ky padiskutim është një lajm i mirë për skuadrën e Maliqit dhe për të gjithë tifozët e saj.
Po vijon puna me intensitet të lartë dhe shumë shpejt tapeti i ri do të jetë gati dhe ekipi i futbollit të Maliqit do të ketë mundësinë t’i zhvillojë ndeshjet pëpara tifozerisë së qytetit.
Mësohet se qëllimi është që fusha të jetë gati për të pritur ndeshjen e javës së fundit Maliqi-Labëria, e cila do të luhet pas tri javësh. Skuadra e Maliqit militon në Kategorinë e Dytë, teksa renditet në vendin e 8-të me 21 pikë në grupin B. Ndeshjet maliqarët i zhvillojnë në një nga anekset e stadiumit të "Skënderbeut" dhe në stadiumin e Devollit.
[gallery size="full" jnewsslider="true" ids="689011,689012,689013,689014,689015,689016"]
Lexo gjithashtu
