Ennur Totre ka konfirmuar përmes rrjeteve sociale se nuk do vazhdojë të jetë lojtar i Tiranës. Përmes një shkrimi, mesfushori ka shprehur mirënjohje për të gjithë, teksa tregon se falë një pune të madhe u fitua titulli i 26-të kampion në historinë e bardhebluve.
Postimin e mbyll duke falenderuar tifozët, që i konsideron krenarinë e qytetit. Kujtojmë se Totre do e vazhdojë aventurën e tij në Ukrainë. Tirana pritet të përfitojë rreth 300 mijë euro nga ky transferim, me 25-vjeçarin që do i bashkohet Vorskla Poltavas.
Postimi i Ennur Totres:
Jam shumë i lumtur që kam qenë pjesë e skuadrës më të madhe në Shqipëri në një vit të jashtëzakonshëm, ku falë një pune të madhe morëm titullin kampion. Aventura ime me Tiranën përfundon këtu, duke qenë mirënjohës ndaj presidentit, drejtuesve, stafit teknik dhe të gjithë lojtarëve që kam punuar gjatë këtij viti. Pa diskutim, një falënderim i veçantë shkon për tifozët e mrekullueshëm që më kanë qëndruar pranë çdo ditë, ju jeni krenaria e qytetit. Ju uroj shumë suksese në vazhdim. Forca Tirona
Lexo gjithashtu
