Hapësire reklamuese

Çështjet kryesore

ARKIVA

“Faleminderit Zotit që ekziston VAR-i”, Zoran Zekic i kënaqur pas humbjes: Rezultat i mirë për ne

Shkruar nga NEWSPORT
“Faleminderit Zotit që ekziston VAR-i”, Zoran Zekic i

Trajneri i Partizanit, Zoran Zekic foli për mediat kazake pas përfundimit të sfidës Astana – Partizani ku të kuqtë u mposhtën minimalisht 1-0. Kroati shprehet i kënaqur për rezultatin ndërsa falenderon edhe Zotin që u krijua VAR-i, i cili anuloi plot 3 gola të kundërshtarëve.

A mund të thuhet, duke marrë parasysh numrin e shanseve të krijuara nga Astana dhe golat e anuluar, që jeni të kënaqur me rezultatin sot?

Po është e vërtet Astana ushtroi trysni sidomos gjatë pjesës së parë të lojës. Ne patëm probleme pasi humbinim shpesh topin e parë dhe më pas vuajtëm gjatë gjithë kohës. Tashmë do të provojmë në ndeshjen e kthimit. Po, unë mund të them se sot ishte një rezultat i mirë për ne.

A i jeni mirënjohës përsonit që krijoi VAR-in sot?

Çfarë mund të them për VAR-in! Dikush mund të jetë i kënaqur nga vendimet e Var-it, dikush tjetër jo. Faleminderit Zotit që ekziston VAR-i.

Cilat janë mendimet tuaja rreth ndeshjes?

Në shumë gjëra Astana ishte skuadra më e mirë sot. Luajtën mirë me topin, na bënë presion. Ne patëm probleme në pjesën e parë, ishim kompakt por çdo top të parë që fitonim e humbisnim. Shpresoj që të luajmë më mirë ndeshjen e kthimit, rezultati është pozitiv dhe duhet të shpresojmë dhe të luftojmë deri në fund. Por skuadra shpreson që rezultati do të jetë më i mirë në Tiranë.

Në minutat e fundit të ndeshjes kishit disa raste shënimi, por nuk mundët të gjenit golin.

Zekiç- Po patëm 2 -3 raste shënimi në pjesën e dytë, por goditëm vetëm një herë, pasi nuk gjetëm pasin e fundit. Këtë problem kemi gjatë gjithë kohës në finalizimin e rasteve.

Sa shanse ka Partizani për të kaluar në fazën në grupe?

Nuk kam qenë kurrë i mirë në matematikë, ndaj nuk do t’u them për përqindjet apo shanset që kemi. Unë mund të them se Astana është kundërshtari më serioz ndaj të cilit kemi luajtur në kompeticione europiane. Shpresoj që në ndeshjen e kthimit të kem në dispozicion edhe ata lojtarë që janë të dëmtuar aktualisht.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga