Një histori e pazakontë vjen në rrëfimin e Erbim Fagut për newsport.al. Ish mbrojtësi i Skënderbeut që e la futbollin në moshën 27-vjeçare tani është bërë trajner fëmijësh. Një histori e përjetuar me dhimbje. Fagu rrëfen çfarë ndodhi dy vite më parë, pozicionin aktual dhe të tjera detaje të patreguara më parë.
- E ke mbyllur me futbollin e luajtur dy vite më parë. A të mungon fusha e blertë?
Futbolli më mungon shumë të je mi sinqertë, pasi e mbylla karrieren shumë shpejt dhe në momentin tim më të mirë. Të shikosh ndeshjet nga ekrani është tepër e veshtirë, por jeta vazhdon dhe tani jam i fokusuar në fushën e trainingut.
- Pse e la Fagu karrierën?
Kam qenë 27 vjeç në momentin kur u dëmtova në një seancë stërvitore. Pësova një frakturë në kavilje që për fat të keq nuk u shërua plotësisht që unë të vazhdoja të luaja futboll. Normalisht që nuk e perjetova shumë mirë pasi më ndodhi në kulmin tim si futbollist.
- Cili ka qenë momenti më i bukur?
Momenti më i bukur për mua ka qenë thirrja në përfaqësuese nga De Biazi në dy ndeshje miqësore. Për fat të keq dhe ai moment mbaroj shp
ejt për shkak të demtimit që pësova më mbrapa.
- Tifoz i Tiranës apo i Skënderbeut?
E vërteta është se jam një tifoz i hershëm i Tiranës, por Skënderbeu ka një vend special në zemrën time pasi aty fitova shumë trofe. Shpresoj që Tirana këtë vit të jetë një rivale e denjë për titull pse jo ta fitoj dhe kampionatin.
- Cili është pengu më i madh?
Pengu im më i madh është përfaqësuesja e Shqipërisë. Një ëndërr që zgjati shumë pak.
- Po fajtori që gjërat për ty nuk shkuan ashtu si duhej?
Fajtor mund të them që janë të gjithë nga pak, përfshirë dhe mua. Por është diçka që tashmë nuk e mendoj më pasi çdo gjë ka kaluar tani.
- Me çfarë merres
h tani?
Aktualisht jam trajner fëmijësh në Akademinë e Futbollit.
- Është e bukur të jesh profesor?
Të ndihmosh brezin e ri që kanë ëndërr të bëhen futbollistë është vërtetë bukur. Personalisht jam shumë i impenjuar për të rritur nivelin e futbollistëve të vegjël
- Cila është ambicia më e madhe që ke tani?
Ambicia ime më e madhe është të bëhem një trajner i nivelit të lartë. Sigurisht që kam shumë punë për të bërë pasi sapo jam futur kësaj rrugë sa të bukur por dhe të vështirë.
Lexo gjithashtu
