
Skuadra e Erzenit do të luajë sot në Durrës përballë Kastriotit në orën 18:00. Klubi shijakas ka vënë në dispozicion të tifozëve tribunën ballore me hyrjen falas. Gjithashtu dhe autobuzët që do të nisen nga Shijaku në orën 17:00 drejt “Niko Dovanës” do të jenë falas.
Por ndaj krutanëve Erzeni do të ketë disa mungesa serioze. Mesfushori Allan Rodriguez dhe mbrojtësi Ardit Iljazi do të mungojnë për shkak kartonash. Por edhe Nehar Sadiku, Xhelil Asani dhe Amer Duka që vuajnë ende dëmtimet nuk ia kanë dalë të riaftësohen. Kështu trajneri Kapllani do të jetë i detyruar të improvizojë.
Me Dashamir Xhikën në portë, tekniku do të vendos në mbrojtje Enk, Krasniqi, Peposhi dhe Osmanllari. Përpara tyre në mesfushë do të jetë dyshja Krivicic dhe Mehmeti. Nga krahët Kapllani dhe Ademi në mbështetje të Nonatos në majën e sulmit.