Dorina Mema, femra e parë shqiptare që theu tabunë në sportin e “Bodybuilding”, duke konkuruar për herë të parë në një skenë, në një pronocim për newsport.al, ka treguar se si lindi dëshira e saj për t’u marrë me këtë sport, cilat ishin peripecitë që hasi rrugës, dhe çfarë mendon ajo për të ardhmen.
-Si lindi kjo dëshirë për këtë sport?
Nuk është dëshirë, ashtu jam rritur, nga vëllai im i cili ishte futbollist dhe në ditën time ishte mëse normale të llogaritej dy orë për stërvitje fizike.
Në vitet 2000 pasi u bëra prind e deri në 2010 kur kaloja shumë orë në zyrë duke naviguar në infot për Fitnessin, u stërvita normalisht me njohuritë që kisha, të cilat 70 % kishin qenë gabim. (Qesh) Sistemi online më ka ndihmuar shumë.
Në vitin 2012 kur në Amerikë ky sport ishte shumë në modë, vendosa të heq dorë nga eleganca ideale që mbajta gjithë kohës dhe ngrita një masë muskulare prej 8 kg. Orkez Prushi, një ish-builder shqiptar dhe fqinj i imi më motivoi t’i futem garave jashtë Shqipërisë. E para ishte në 2013 ku s’ia kisha idenë çfarë bëhej absolutisht dhe duke qenë femra e parë shqiptare s'kishte kush të më mësonte. Por kur shikoj fotot kam një nostalgji për atë fazë jete. Unë kam gjetur të bëj atë që unë dashuroj. Kam gjetur veten tek ky sport.Aq sa jam energjike dhe e fortë nga natyra, aq jam dhe studioze dhe më pëlqen të lexoj e të eksploroj mbi anatominë e shkencën trupore të njeriut.
-Kush iu mbështeti për këtë nismë tuajën?
Mbështetja ka ardhur nga të gjithë njerëzit që më rrethonin, si nga kolegë të zyrës e ata që stërviteshin me mua, të cilët si fillim s’ia kishin idenë çpo bëja pasi 
në Shqipëri s'ish parë akoma një femër me muskuj në rrugë. Vetem mbaj mend mamanë që më thoshte: “Duhet të hash se je dobësuar në fytyrë” (Qesh)
-Cfarë projektesh ka Dorina në lidhje me këtë sport?
Projekte kam shumë, por duhet të heq dorë nga jeta e mëparshme. Profesioni im është si administratore biznesi, por duhet të fokusohem vetëm në Fitness, gjë që më duhet pak kohë për këtë.
Nuk është e lehtë të punosh të mbash shtëpinë fëmijën e më e vështira të mbash një trup të cilin e stërvis dy herë në ditë.
-Ju dolët kampion për femra në Shqiperi, sa ju gëzon ky fakt?
Gara në Shqipëri ishte si detyrim pasi isha e para në 2013 që garova në Federatën Botërore Ëbpf, dhe duhet të mbaja emrin e para femër Shqiptare Fitness. Federata Shqiptare duhet të jetë mirënjohëse ndaj meje sepse para 2013 ajo nuk organizonte as gara më. Isha një shkëndijë e madhe për shoqërinë shqiptare, si një zgjim nga jeta parazite ku shumë njerëz kishin turp të lejonin bashkëshorten te hynte në një palestër, ku shumë njerëz e quanin ilaç proteinen, paçka që në fillim u kritikova si femër me muskuj.
Kjo më bën shumë krenare sepse do vijë dhe këtu dita që është sot në Amerikë, ku ky sport është luks i tyre. Ky sport është sekreti i rinisë, vetkontrolli i trupit dhe shëndetit tënd.
-Ç'mund të na thoni për përhapjen e këtij sporti në Shqipëri, ku mentaliteti ndikon paksa te pjesëmarrja e gjinisë femërore?
Ne vijmë nga një sistem diktatorial të diktuar për çdo veprim të bërë, dhe shoqëria shqiptare do marrë pak kohë sa të ndërrohen dy breza që të apdatohet me të rejat e botës dhe t’i pranojë si normale ato. Megjithate këto dy vite, flas për Tiranën pasi jetoj këtu, shikoj një ndërgjegjësim të brezit të ri për trupin, të gjithë frekuentojnë palestrat. Në inboxin tim gjej çdo mbrëmje sms e pyetje nga njerëz të ndryshëm te cilëve u pergjigjem deri në orët e vona, femra të cilat pavarësisht jetës së ngarkuar, kërkojnë të ndjekin një fitlivestyle, ata të cilët korrigjojnë infot e marra gabim diku, shkëmbime eksperiencash e programesh e dietash. Interneti i ka ndihmuar akoma më tepër për t’u dashuruar pas Fitnesit.
Përsa i përket mentalitetit të femrave, unë them që nuk është më çështje mentaliteti, se sot femrat janë të lira të bëjnë çdo lloj zgjedhje për jetën e tyre, por është çështje vullneti dhe financa në këtë sport është primare. Është sport i shtrenjtë që jo çdo femër është në gjendje të përballojë kostot stërvitore dietike suplementare apo trajner personal për të ndjekur një stil jetë Fit.
-Cili është profesioni i Dorinës në jetën e përditshme?
Profesioni im është të bëj gjithçka, gjithçka ç'mund të bëjë një njeri. Unë mundem sepse s'kam pasur kurrë turp të mësoj e guxim për të tentuar gjithçka.
Kam qenë një studente shembullore. Kam punuar shume vite në profesione administrative si ekonomiste dhe juriste në përmbarim së fundmi. Tashmë ndjek një biznes timin dhe programet e mia dietike shiten online ne faqen “FitMom Abudhabi”. Unë akoma skam filluar me veten pasi vetes i kam borxh garën e jetës, që e kam ëndërruar nga kaq vite, nga atje ku kanë dalë emrat më të mëdhenj të botës së fitnesit. Ia arrita të marr ftesë nga to dhe ky ka qenë momenti më i bukur i vitit, por me duhet të bëhem gati, këtë herë te bëhem seriozisht gati pasi dhe stafin e trajnimit e kam shumë profesionist, të dalë nga stafi i Arnold Schëarznegger. Ata pëlqejnë genetikën time, dhe unë jam shumë kureshtare ku mund të arrijmë këtë herë. Nëse femrat kanë dëshirë të kenë një bizhu, unë dua të rreshtoj kupa me vlerë të Federatave Botërore, atje ku ka konkurrencë profesionale, ku gjej atletë të vërtetë që të respektojnë sepse ta njohin lodhjen dhe mundin që ke bërë për të arritur aty. Unë mbaj titull botëror të federates WABBA dhe kjo më detyron të shkoj vetëm lart.
-Kur do ta shohim Dorinën të ngjitet përsëri në skenë?
Së shpejti do më shikoni në skenë, në një skenë që meriton puna ime dhe shqiptarja e parë Fitness.
-Keni një ftesë për gjithe shqiptarët, dhe nëse po, çfarë?
Për shqiptarët si gjithmonë: “Ta duam më tepër njëri-tjetrin e gëzuar Muajin e Shenjtë të Ramazanit . Zoti i ndihmoftë kudo që janë.
Lexo gjithashtu
