Klea Huta është vajza e njohur e ekraneve televizive. Klea e ka nisur eksperiencën e parë mediatike në programin ‘’kripëmjalëzat’’ të organizuar nga ‘’Sirea Film’’ dhe karriera e saj pastaj ka ardhur vetëm në ngjitje. Është e njohur për pasionin e saj për muzikën, drejton disa show televizive dhe ka një pasion të pakushtëzuar për sportin. Në një intervistë të dhënë për newsport.al Klea rrëfen se ushtrimi i sportit është pjesë e pandashme e jetës së saj. Ajo ushtron Crossfit, është një tifoze e futbollit dhe mbështet skuadrën e Partizanit në derbin tiranas. Ajo rrëfen se nuk mungon në asnjë derbi si dhe rrëfen për eksperiencën franceze me Kombëtaren. Klea ka qenë e pranishme në dy ndeshje që Kombëtarja Shqiptare ka luajtur në Francë,
1.Keni mbaruar shkollën për aktrim, por kemi vënë re që jeni shumë e apasiounuar pas sportit. Ç'mund të na thoni për këtë?
Po është e vërtetë. Kam përfunduar shkollën për aktrim por sporti është pjesë e jetës time. Në jetën e përditshme ushtroj Crossfit por jam edhe e apasionuar pas futbollit. Është shumë mirë që çdo njeri të ushtrohet dhe të merret me sport pasi sigurisht të ndihmon për shëndetin dhe aktivitetin ditor.
2.Sa e ndjek Klea futbollin në përgjithësi?
Kompeticione të tilla siç janë Europiani, Botërori apo edhe Europa League dhe Champions League i ndjek. Nuk mund të them të gjitha ndeshjet por ato të Kombëtares dhe ekipeve shqiptare po. Futbolli është sporti më popull në Shqipëri dhe sigurisht që e ndjekim shumë.
3.Me bluzën e kombëtares keni disa foto së fundmi. Ishit në Francë për ta ndjekur?
Po, isha prezent në dy ndeshje, ndaj Zvicrës dhe Franës. Emocione të jashtëzakonshme, por fati nuk deshi që merrnim pikë në ato dy ndeshje edhe pse ndaj Francës ishim shumë afër. Ishte një rezultat dramatik për të gjithë ne pasi të humbasësh në minutat e fundit të lojës është vërtetë krim, por megjithatë djemtë bënë një paraqitje shumë të mirë që duhet vlerësuar.
4.Përveç futbollit, Klea duket e apasionuar edhe me fitnessin. Një sport për të qënë në formë apo keni të tjera synime për më lart?
E thashë edhe më lart, është aktivitet që e ushtroj për të mirën e shëndetit tim.
5.Cili është trajneri juaj personal dhe ç'lloj stërvitje aplikon me ju?
Edmond Stafa. Nuk është vetëm trajneri im personal po i qindra të rinjve dhe të rejave në Tiranë. Është shumë i apasionuar dhe me punën e tij ka pasur shumë rezultate. Ndihem shumë mirë pasi është edhe mik i familjes time. Unë jam gjithmonë pjesë e grupit në Tirana Crossfit.
6.Keni ndonjë idhull fitnessi qoftë nga femrat ose meshkujt, në Shqipëri ose jashte saj?
Jo, abuslutisht. Unë thjesht stërvitem për veten time dhe nuk jam shumë e apasionuar që të ndjek fitnesin kombëtar apo ndërkombëtar. Më pëlqen kjo lloj stërvitje dhe mjafton për mua.
7.Po në futboll per cilat skuadra bën tifo?
Shqipëria mbi të gjitha, por jam edhe simpatizante e Spanjës!
8.Në Tirane jetoni në Laprakë. Njihet si bastioni i tifozerise së kuqe. E ndiqni Partizanin?
Si një zonë që i përket Partizanit, sigurisht që e suportoj këtë skuadër. E kam ndjekur dhe më vjen mirë që është rikthyer në luftën për titullin kampion, titull që mungon prej kohësh. Derbit nuk i humbas asnjëherë!
Lexo gjithashtu
