Kukësi zhvilloi një fazë përgatitore intensive pas ndryshimeve të shumta në ekip. Klubi verilindor vendosi të mos prononcohej në media me përjashtim të trajnerit që e ka “detyrim” të flasë përpara dhe pas ndeshjeve.
“Heshjta për shtyp” vazhdoi edhe në fillimin e sezonit për Kukësin dhe kjo mendohej se vinte për shkak të situatës negative por ja që nuk është kështu. Kukësi ka fituar 3 ndeshjet e fundit duke dalë përfundimisht nga momenti negativ por përsëri lojtarët nuk janë lejuar të flasin për mediat.
Nuk dihet shkaku e këtij vendimi nga verilindorët por drejtuesit e Kukësit duhet të marrin parasysh se tifozëria kuksiane do të ishte e interesuar për të mësuar më shumë rreth skuadrës sidomos tani që nuk lejohen as në stadium.
Poll
Lexo gjithashtu
