Të premten do të luhet derbi i shumëpritur mes Tiranës dhe Partizanit, e vlefshme për javën e gjashtë të Superiores. Të kuqtë po stërviten intensivisht nën urdhrat e trajnerit Ilir Daja. Tekniku i njohur e tha hapur që këtë herë preferon të triumfojë për të provuar për herë të parë shijen e fitores në një derbi. Formacioni titullar ende nuk dihet dhe nuk përjashtohen surprizat.
Ilir Daja njihet si një trajner që nuk e ndërron asnjëherë 11-shen fituese. Megjithatë derbi mund të bëjë përjashtim. Në fitoren e thellë 4-0 të Partizanit kundër Skënderbeut, Jasir Asani dhe Ëilliam Cordiero Melo e nisën nga stoli. Mëngjërashi s'u aktivizua fare, ndërsa braziliani pati disa minuta në këmbë.
Pikërisht dy lojtarët e sipërpërmendur mund ta nisin nga minuta e parë pasi e njohin mirë rëndësinë dhe atmosferën e derbit. Pritet me interes të shihen se kush do të jenë futbollistët që do të ulen në stol në rast se daja do të preferojë "dy asat" e mësipërm të premten, në orën 18:00, në "Air Albania Stadium".
Lexo gjithashtu
