Dje, janë luajtur tre takimet e fundit të javës së 14-të të kampionati në Superligë. Laçi-Skënderbeu, ku korçarët humbën 0-1. Kamza - Luftëtari, ku gjirokastritët fituan 1-0 dhe Partizani-Teuta, nga ku dolën të buzëqeshur të kuqtë e Suljeman Starovës, pasi fituan 2-1.
Edhe pse luheshin tre sfida mjat të rëndësishme, kreu i FSHF-së Armando Duka ka zgjedhur të ndjekë nga afër sfidën mes Laçit dhe Skënderbeut. Ky vendim nga kreu i Federatës mund të ketë ardhur pasi, Duka pak më herët ka deklaruar se për Laçin ka një konsideratë të veçantë, duke theksuar se është një ekip me investime modeste, por që zhvillon një lojë të mirë.
Këtë pëlqim Duka e ka rikonfirmuar dje, ku laçianët arritën të mposhtin kryesuesit e tabelës, Skënderbeun, duke i dhënë kënaqësinë e radhës kreut të FSHF-së.
Lexo gjithashtu
