Partizani nisi dje përgatitjet për ndeshjen ndaj Bylisit pas një dite pushim të dhënë nga trajneri Colella. Humbja me Laçin dhemb shumë dhe të kuqtë janë zyrtarisht në një krizë të thellë pasi 5 ndeshjet e fundit nuk njohin asnjë fitore.
Colella ngriti “flamurin e bardhë” pas humbjes me Laçin duke deklaruar se Partizani nuk është për titull. Ndaj, sot futen në një rrugë tjetër dhe italiani po provon disa skema të reja në stërvitje me skuadrën që është e plotë.
Skuka, Bitri e Rrapaj kanë lënë një gropë që vështirë se të mbushet nga të kuqtë por sytë janë te tre lojtarë. Remzifaik Selmani, Marçelino Preka dhe Sabit Bilali janë lojtarët e piketuar për të pasuar treshen e mëparshme. Përveç Prekës, dy të tjerët pritet të bëjnë debutimin ndaj ballshiotëve.
Lexo gjithashtu
