Partizani po zhvillon përgatitjet për derbin e parë të sezonit që i gjen ata si vendas në Air Albania. Trajneri Colella ka punuar shumë në aspektin fizik këtë javë teksa ka pasur shumë dëmtime që e kanë penalizuar punimet e të kuqve. Teksa jemi në prag sfide, Demave ju kthehen disa nga lojtarët e dëmtuar por përsëri tekniku italian nuk është i kënaqur.
Ëngjëll Hoti dhe Da Silva, munguan prej disa javësh dhe në ndeshjen ndaj Orikut në Kupë morën minutat e para por gjëndja e tyre fizike ishte shqetësuese. Nëse do të ishin gati atëherë të dy do të ishin titullar në derbi por në këto kushte, Colella do të zgjedhë vetëm një mes tyre.
Paolo Buxhelaj është kthyer ditën e djeshme në stërvitje por ka akoma shqetësime të vogla që priten të largohen deri nesër. Gjithsesi, vendin e tij si titullar do ta marrë Atanaskoski me Buxhelaj që do e nisë nga stoli derbin e tij të parë.
Lexo gjithashtu
