Ka mjaftuar një status në facebook nga një personazh publik, konkretisht Arbër Cepani dhe akuzat ndaj Federatës Shqiptare të Xhudos vërshuan si rrëbesh në lidhje me xhudisten nga Kosova Majlinda Kelmendi, tashmë e shpallur kampione Olimpike në Xhudo. Akuzohej që FSHJ nuk kishte ftuar dhe nuk kishte pranuar asnjëherë Kelmendin për të garuar për Shqipërinë. Kjo tashmë u bë lajm dite duke marrë jehonë të madhe. Por në një koment në facebook në statusin e Cepanit shikojmë që vajza e presidentit të Xhudos, Arjula Cibaku e cila replikon duke treguar të kundërtën e asaj që pretendon Cepani.
" Sa për kulturë të përgjithshme: Majlinda ka pasaportë Shqiptare që prej vitit 2010 (me kërkesë të Federatës Shqiptare të Judo-s nga President Z.Xhelil Cibaku dhe Sek.Përgj Z.Labo Capo) dhe ka garuar për Shqipërinë në të gjitha aktivitetet europiane deri në dhe në Olimpiadën e Londrës. Brenda mundësive të buxhetit është paguar nga FSHJ. Pas vitit 2013 Majlinda ka garuar me stemën e IJF dhe në vitin 2015, pas pranimit së Federatës së Kosovës në Federatën Botërore të Xhudos, për Kosovën. Në kampionatin Botëror të Xhudos 2016 në Rusi, përsëri përdori pasaportën Shqiptare, pasi akoma edhe sot Rusia nuk e njeh Kosovën. Pra ne si Shtet Mëmë dhe Federata Shqiptare e Xhudos e kemi mbështetur në çdo hap, pasi Majlinda është krenaria e kombit Shqiptar. Majlinda ka titullin e lartë "Nderi i Kombit", akorduar nga Presidenti i Shqipërisë në vitin 2015, Z. Nishani", shkruan në komentin e saj Arjula Cibaku, vajza e presidentit të Federatës Shqiptare të Xhudos, Xhelil Cibaku duke vërtetuar në këtë mënyrë që ajo që thotë Arbër Cepani nuk është e vërtetë.
[gallery columns="1" size="full" ids="24563"]
Lexo gjithashtu
