Flamurtari ka rënë në hall për një sulmues pas largimit të Danilo Alvesh, ndërsa kanë kërkuar menjëherë zëvendësuesin e tij. Duke qenë se dje ishin orët e fundit të merkatos së verës, vlonjatët kanë gjetur në treg një lojtar me të shkuar të shthurur.
Stefan Nikoliç, është sulmuesi që tashmë është pjesë zyrtarisht e vlonjatëve. Ai ka luajtur në Rumani me Politechnica Timisoara dhe më pas për tre sezone ishte pjesë e Steaua Bukuresht. Mediat rumune bëjnë me dije se Nikoliç u përjashtua nga skuadra pas problemeve të shumta me alkoolin, ndërsa prodhimtaria e tij ka qenë mjaft e ulët.
Gjatë tre sezoneve të fundit ai ka ndërruar tre ekipe, ku ka luajtur për CSKA-në e Sofies, Istra 1961 dhe në sezonin që u mbyll ishte pjesë e Nieciecsza në Poloni. Flamurtari është ekipi i tij i ri, ndërsa shpresohet që ai të rikthehet në gjendjen e tij, pasi ka një vit pa shënuar gol.
Lexo gjithashtu
