Peshëngritësi shqiptar Briken Calja ka zhvilluar garën e tij në Lojërat Olimpike Rio 2016 në orët e para të mëngjesit të sotëm.
Pas shumë polemikash gjatë këtyre ditëve me presidentin e KOKSH, Calja u fut në garë dhe arriti rezultatin më të mirë për përfaqësuesen shqiptare deri më sot në "Rio 2016."
Ai garoi në kategorinë e peshave deri në 69kg dhe arriti të ngrinte 326kg në dygarësh. Në stilin e shkëputjes Calja realizoi provën me 145kg por dogji dy provat me 151kg, ndërsa në stilin e shtytjes realizoi provat me 175 dhe 181kg, ndërsa dogji atë me 184.
Kështu me 326kg të ngritura në dygarësh, Calja e mbyll Olimpiadën e tij në vend të gjashtë, një rezultat mëse i kënaqshëm.
Poll
Lexo gjithashtu
