Tre ditë pasi Manchester United u mposht në finalen e Europa League në fund të një sezoni katastrofik, trajneri i “Djajve të Kuq”, Ruben Amorim, foli në konferencën e tij për shtyp para ndeshjes së fundit të Premier League kundër Aston Villas. Këto janë fjalët e trajnerit portugez:
"Humbja në Europa League? Ishte vërtet e vështirë dhe vazhdon të jetë. Mendoj se ishte e vështirë për ne ta humbisnim atë ndeshje, mendoj se ishim ekipi më i mirë dhe krijuam më shumë raste. Pësuam një gol drejt pjesës së parë dhe provuam gjithçka në pjesën e dytë, por ishte vërtet e vështirë sepse, siç thashë para ndeshjes, nëse nuk fiton finalen, është shumë më e vështirë të përballosh situatën.
Rreth sezonit? Nuk do të përpiqem t'ju bind për të kundërtën, ishte një sezon i vështirë, por kishim shpresë se mund të fitonim diçka dhe se kjo do të na ndihmonte ta përfundonim sezonin ndryshe. Mënyra se si mund të rikthehemi është të përfundojmë mirë. Kur fillon të mendosh për të ardhmen dhe ekipin, fillon një sezon i ri dhe ne do të fillojmë me ambicie të reja dhe do të përpiqemi të bëjmë më mirë.
Rekordin e tij te United? Mendoj se këto gjashtë muaj kanë qenë vërtet të vështirë, me kaq shumë ndryshime, jo vetëm për mua, por për të gjithë klubin. Kemi bërë kaq shumë ndryshime brenda klubit, ndonjëherë duhen pesë ose tre vjet për të ndryshuar të gjithë personelin dhe shumë gjëra të tjera.
E ndryshuam trajnerin në gjysmë të sezonit dhe ndryshuam mënyrën se si luajmë. Pavarësisht të gjitha gabimeve që më keni vënë në dukje, unë e di se si dua të luaj dhe ky është momenti emocionues kur mund të ndryshojmë diçka.
Rreth Aston Villas? Ata kanë stabilitet, janë mësuar të luftojnë për vendet e para, kështu që ne duam të bëjmë të njëjtën gjë, por ka shumë gjëra që janë vërtet pozitive në lidhje me këtë lloj klubi", tha Amorim.
Lexo gjithashtu
