Të enjten në mbrëmje, Drita do të presë në shtëpi skuadrën e Steaua Bucurestit për sfidën e turit të tretë të Europa League. Përballja e parë e luajtur në Rumani ka përfunduar me shifrat 3-2 për vendasit.
Drita do të kërkojë të përmbysë rezultatin në ndeshjen e kthimit në shtëpi. Kampionët e Kosovës kërkojnë mbështetje maksimale nga tifozeria, duke publikuar çmimet e biletave.
Njoftimi zyrtar i Dritës:
NJOFTIM
FC DRITA ju njofton se biletat për ndeshjen e raundit të tretë të UEFA Europa League mes FC DRITA dhe FCSB do të dalin në shitje nga sot (e hënë), në mënyrë fizike, nga ora 18:00 para Teatrit të Qytetit.
Gjithashtu, në ditën e ndeshjes biletat do të mund të blihen edhe pranë stadiumit “Fadil Vokrri”, në tri pika të shitjes.
Çmimet e biletave janë si më poshtë:
Veri – 3 €
Lindje – 5 €
Perëndim – 10 €
VIP – 20 € (katering all inclusive)
Lexo gjithashtu
