Michael Olise e ka nisur mbarë aventurën tek bavarezët që në start të këtij sezoni. Anglezi po kthehet në një lojtar elementar tek bavarezët duke marrë përsipër të gjithë vëmendjen.
Madje nga fansat nuk mungon as thurja e elozheve të tilla si krahasimi me Robben apo edhe me Ribery, të cilët janë 2 ikona që kanë lënë gjurmë të pakrahueshme në Mynih.
Max Eberl i cili aktualisht është anëtar i këshillit sportiv në rolet drejtuese ka folur më gjerë për Olise. Ai shprehet shpresëdhënës dhe optimist për të ardhmen e ndritur të lojtarit në Bavari.
I pyetur në intervistë, Eberl shprehet se ai i meriton lavdet e thurura dhe mund të konsiderohet një Robben apo Ribery i ri me plot gojë. Ai vazhdon duke thënë se Olise është një nga premtimet më të mëdha të gjeneratës së tij.
“Michael gjatë gjithë turneut të Olimpiadës shkëlqeu me kombëtaren franceze. Ai tregoi se mund të jetë një goditje e artë për Bayern. Ai mund të bëjë gjëra të jashtëzakonshme po ashtu si Robben dhe Ribery. Fakti se ka nënshkruar një kontratë 5-vjeçare tregon se është një element i së ardhmes”, tha Eberl.
Kujotjmë se anglezi ka firmosur për 5 vite me Bayern dhe falë ecurisë startuese menjëherë ka arritur të hyjë në zemrat e tifozëve.
Lexo gjithashtu
