Bayern Munich ka filluar të lëvizë gurët për merkaton verore që është në prag. Duke parë që titullarët kanë një nivel të lartë, por stoli jo, për këtë të fundit klubi gjerman kërkon përforcime.
I radhës që është “piketuar”, është lideri i Atalantës, Charles De Ketelaere. Ky i fundit shihet si përforcimi ideal dhe si zëvendësues i Musialës në repartin e sulmit, për të luajtur pas Harry Kane.
25-vjeçari belg vlerësohet rreth 35 milionë euro, shifër mjaft e përballueshmë për klubin e Bayernit. Por ajo ç’ka pengon paksa “operacionin” është kontrata deri në vitin 2028 që De Ketelaere ka me bergamaskët.
Megjithatë, vetë futbollisti e ka dhënë “dritën jeshile”. Ndërsa drejtuesit e Bayern Munich po presin fundin e sezonit, për t’u futur me kokë në bisedimet me Atalantën dhe për të finalizuar sa më shpejt këtë transferim.
Lexo gjithashtu
