Anthony Gordon është një nga emrat më të përfolur të merkatos në ishull. Sulmuesi është përfolur për një kalim tek Bayern Munich në dritaren e ardhshme të transferimit.
Për të hedhur dritë mbi këtë tratativë të mundshme, drejtori sportiv i Bayerni-t, Max Eberl, ka mbajtur një komunikim për mediat, ku ka folur gjithashtu për ndërtimin e ekipit për sezonin e ardhshëm.
Ai ka dhënë sinjalet e para se Anthony Gordon po bëhet gati për t’u transferuar në Gjermani, por zgjodhi të mos përmend në mënyrë direkte emrin e tij.
“Kemi bërë disa rinovime kontratash. Skuadra jonë është e balancuar dhe nuk do të bëjmë shumë ndryshime, ndoshta një ose dy pozicione. Në sulm? Po, kemi një emër në mendje dhe do të ndodh nëse arrihen termat financiarë. A kemi folur me të? Po, ka qenë një bisedë pozitive”, u shpreh drejtori sportiv i kampionëve të Gjermanisë.
Lexo gjithashtu
