Paisja me viza për dy lojtarët e Partizanit, Ylber Ramadanin dhe Labinot Ibrahimin ka marrë rrjedhë tjetër nga sa pritej.
U përfol për një marrëveshje që mund të arrihej me ambasadën ruse në Shqipëri, mirëpo ditën e djeshme ka ardhur përgjigja "fyese", ku zyrtarët e ambasadës e kishin adresuar klubin e kuq që të shkonte në Serbi, pasi vetëm atje mund të merrej një vizë për lojtarët e tyre. Rusia nuk e njeh si shtet Kosovën dhe kjo ka bërë që futbollistët e kuq të mos pajisen me vizë për të udhëtuar drejt shtetit rus për të luajtur takimin e vlefshëm për play-offin e Europa League.
Por situata rëndohet më shumë me kontekstin e përgjigjes që ambasada ruse ka dhënë, ku duket që i quan të dy lojtarët e kuq pjesë e shteti serb.
Partizani ka kërcënuar për bojkot për takimit, por kjo gjë pritet të mësohet vetëm në orët në vijim se si do reagojë klubi kryeqytetas.
Lexo gjithashtu
