Kristal Abazaj dhe Dejvi Bregu ishin dy futbollistët që Skënderbeu arriti të rrëmbejë nga Luftëtari në merkaton e janarit. Që të dy futbollistët do vazhdojnë të jetë pjesë e gjirokastritëve deri në fund të sezonit, më pas në verë do t'iu bashkohen korçarëve.
Edhe pse vetë klubet nuk kanë konfirmuar diçka të tillë zyrtarisht, marrëveshje është arritur dhe mes palëve është firmosur një parakontratë. Së fundmi, mësohet se Skënderbeu mund ta shesë Abazajn vetëm me një kusht, duke mbajtur 30 për qind të kartonit të futbollistit. Nëse del ndonjë klub që plotëson kushtet e korçarëve, Abazaj mund të largohet që në verë.
Në të kundërt, planet e drejtuesve të klubit të Skënderbeut janë të tilla. Kërkojnë që ta aktivizojnë Abazajn në Europë për t'i bërë një reklamë të mirë nga e cila do të vinin fitime të majme. Dhe planet janë që Abazaj të largohet nga korçarët në janar të vitit 2019, nëse nuk plotëhet kushti 30 për qind i kartonit në verë.
Nga ana tjerër, Bregu edhe pse nuk e ka konfirmuar marrëveshjes me klubin korçar, ka firmosur një parakontratë me Skënderbeun dhe në verë kalon automatikisht tek ata.
Lexo gjithashtu
