E ardhmja e Rustem Hoxhës mund të jetë në Superligën kosovare të futbollit.
Sipas asaj që raportojnë mediat fqinje, mbrojtësi që i dha lamtumirën Teutës pak ditë më parë ka arritur akordin me skuadrën nga Suhareka.
“Zeri.info” shkruan se marrëveshja është arritur dhe se Hoxha nga sezoni i ri do të jetë pjesë e skuadrës së drejtuar nga Bekim Isufi.
Rustem Hoxha në sezonin e fundit ishte pjesë e Teutës, skuadër e cila u shpall kampione në Shqipëri. Hoxha është 30-vjeçar dhe luan në pozitën e qendërmbrojtësit. Më herët, ai ka luajtur edhe te Luftëtari e Kukësi.
