Kastrioti ka vazhduar përgatitjet për ndeshjen e kthimit në Kupën e Shqipërisë, ku ditën e enjte do të sfidojnë Dinamon në orën 13:00 në stadiumi e Kamzës. Takimin e parë e ka fituar skuadra e Ardian Memës me shifrat 3-1 dhe në sfidën e ditës së enjte nuk pritet të hasin probleme.
Me kualifikimin që konsiderohet si i siguruar, te krutanët më shumë vëmendja është përqendruar te dueli me Erzenin në kampionat. Ndaj shijakasve kërkohet edhe kthesa, pasi aktualisht skuadra e Memës është në një moment “JO”. Kastrioti renditet i fundit në klasifikim dhe nuk njeh fitoren prej më shumë se 5 javësh.
Sikur të mos mjaftonte vetëm kaq, por trajneri i krutanëve vë duart në “kokë” pasi janë plot 4 lojtarë që kanë probleme fizike dhe në stërvitjen e fundit kanë shqetësuar stafin teknik.
S.Selmani dhe Karakaçi munguan në stërvitje, ndërsa Hasani e Stojanovic e lanë në mes dhe u desht të largoheshin. Të 4-të lojtarët kanë pasur kontraktime muskulore. Redon Mihana pritet të luajë titullar në sfidën e Kupës ndaj Dinamos dhe atë të kampionatit kundër Erzenit.
Lexo gjithashtu
