Kampionati i Kategorisë Superiore ka nisur me akuza dhe kundërakuza të ashpra në drejtim të gjyqtarëve të ndeshjeve. Janë të përfshirë pothuajse të gjithë klubet që përbëjnë elitën e futbollit shqiptar, ndërsa problemet nisën që në javën e parë të kampionatit dhe vazhdojnë radhë njëri pas tjetrit, duke shëmtuar garën dhe duke e cënuar rëndë atë.
Në fillim të kampionatit u përzgjodh dizenjatori i ri i arbitrave në FSHF, i cili është Petrit Brahja, por që nuk ka "debutuar" ashtu siç duhet, duke u akuzuar javë pas jave për gjyqtarët që cakton në takimet e luajtura në Superiore.
[caption id="attachment_39703" align="alignleft" width="300"]
Ish-dizenjatori Tahir Kastrati (majtas) dhe dizenjatori aktual Petrit Brahja (djathtas)[/caption]
Në javën e parë të kampionatit Partizanit iu dha një penallti e paqenë, gjithashtu dhe Skënderbeut, të cilat ndikuan drejtpërdrejt në rezultat. Këto raste u kontestuan ashpër nga klubet e prekura, ndërsa dënimet pothuajse ishin qesharake për arbitrat e rastet në fjalë.
Në javën e dytë Tiranës iu mohua një 11-metërsh në Laç, ndërsa në Kukës, Teutës iu dha kundër një penallti fantaznëm. Sërish në të dy rastet e javës së dytë arbitrat ndikuan drejtpërdrejt në rezultatin përfundimtar, duke cënuar skuadrat.
Në javën e tretë të kampionatit dëmtohet sërish Tirana kundër Kukësit, ku nuk iu dha një 11-metërsh i dukshëm në rastin e prekjes së topit me dorë nga Pero Pejiç. Takimi mund të kishte kaluar në favor të bardhebluve, por kjo gjë nuk ndodhi.
Në javën e katërt, e cila është e fundit e zhvilluar në Superiore, sërish nuk mungojnë incidentet me gjyqtarët. Korabit i mohohet një 11-metërsh në ditën me diell nga gjyqtari Ardian Beqiri, kurse e njëjta gjë ndodh në Laç ku gjyqtari Andi Koçi i mohon 11-metërsh Kukësit.
Të gjitha rastet e sipër përmendura, të cilat nuk janë pak, por shtatë të tillë në vetëm 4 javë kampionat rëndojnë shumë mbi Petrit Brahjen, dizenjatorin e gjyqtarëve, i cili duhet të mendohet mirë përpara se të bëjë caktimin e "bilbilave" të ndeshjeve.
[video width="576" height="320" mp4="http://newsport.al/wp-content/uploads/2016/09/video-1474887677.mp4"][/video]
Java 1
Luftëtari - Partizani
Skënderbeu - Flamurtari
Java 2
Laçi - Tirana
Kukësi - Teuta
Java 3
Tirana - Kukësi
Java 4
Laçi - Kukësi
Korabi - Vllaznia
Lexo gjithashtu
